ابڙو اڪيڊمي Abro Academy
2020-07-22
داخلا نمبر 642
عنوان جهنگ ڪُڪڙ
شاخ پکي
پڙهيو ويو 376
داخلا جو حوالو:
جهنگ ڪُڪڙ
پيهوڙي ۽ ڪونگ جي ڪٽنب جو هي پکي آبي ۽ گپائين ماحول سان تعلق رکي ٿو، ان لاءِ ’آبي ڪڪڙ‘ شايد وڌيڪ موزون نالو ٿيندو. 32 سينٽي ميٽي ڊگهي هن پکيءَ جي منهن، ڳچي ۽ ڇاتيِ جا کنڀ اڇا ٿيندا آهن، پڇ جو هيٺيون پاسو اکروٽي ڳاڙو ٿئيس ٿو ۽ مٿئين پاسي مٿي جي چوٽيءَ کان وٺي، ڪنڌ، پٺي، پر ۽ پڇ جو رنگ ڪارو هوندو اٿس. ٽنگون ۽ چنبا ڊگها ۽ سنهڙا ٿينس ٿا جن جي مدد سان ڪنول ۽ آبي ٻوٽن تي پير رکي آرام سان پاڻيءَ جا مٿان پنڌ ڪري ويندو آهي. اکيون به ڪاريون هونديون اٿس. چنهب جو رنگ هيڊو ۽ ان تي ڳاڙهي پاپڙي ٿئيس ٿي.
جهنگ ڪڪڙ جو پڇ ننڍڙو ، ٿلهڙو پر اُڀو هوندو آهي ، ان مختصر پڇ سبب هو ٻُوڙن ۾ سولائيءَ سان تکو ڊوڙي يا هلي سهندو آهي، جيڪو هيٺ مٿي پيو ٿيندو اٿس. پکي تام طور ٽاهڙ آهي ۽ خاموش رهندو آهي. پر اهي برسات جي مند ۾ تمام گهڻو شور ڪندا آهن، اها ئي مند سندن نسلي افزائش جي آهي. هن پکي جا ٻچا وڌيڪ سهڻا ڪونه ٿين پر انهن جي سڄي بت جا کنڀ گهرا سرمائي هوندا آهن. ان جي خوراڪ ۾ جيت، ڪينئان، گهوگهيتا، ڪوڏ اناج ۽ سارين سميت ٻين گپاون ٻوٽنَ جون پاڙون شامل آهن. اهي جُون کان آڪٽوبر تائين گپن جي وچ ۾ گاهه کي وارن هنڌن ۽ خشڪ جاين تي آکيرو ڪندا آهن ۽ سڄي اپکنڊ ۾ رهي ٿو. جهنگ ڪڪڙ جتي به رهي ٿو اتي مستقل رهندو آهي ۽ لڏ پلاڻ نه ڪندو آهي.